Contenuto Principale

Sognare in Salento

Sognare in Salento nasce dalla volontà di promuovere il salento e di f...

  • Sognare in Salento

Errore
  • There is no category chosen or category doesn't contain any items
  • There is no category chosen or category doesn't contain any items
  • There is no category chosen or category doesn't contain any items
  • There is no category chosen or category doesn't contain any items
Santuario Santa Maria del Canneto

santuariocanneto esterno 10Il Santuario di Santa Maria del Canneto si erge nei pressi del ponte che collega la città vecchia, posta sull'isola, al borgo. Affacciata sullo specchio d'acqua del Seno del Canneto, l'antico porto di Gallipoli, fu costruita nell'ultima metà del Seicento su un preesistente edificio sacro del 1504. Un portico, con tre arcate frontali e due laterali a tutto sesto con archi, introduce alle tre navate sormontate da un pregevole soffitto ligneo a cassettoni ed al centro vi é dipinta la Madonna del Canneto. Fabbricata ai tempi antichi per onorare la Madonna della Visitazione, fù intitolata alla Madonna del Canneto quando alcuni pescatori trovarono in mezzo alle canne, li vicino, un quadro con la figura della Vergine Maria. Nel 1946 la chiesa è stata fatta Santuario Mariano. I gallipolini sono molto devoti alla Santa cui è intitolata la chiesa ed infatti ne festeggiano la ricorrenza a luglio ogni anno proprio nel piazzale prospiciente la chiesa.

Storia-Origini

Ritrovamentu te lu quatru:santuariocanneto esterno 02 La chesia te Maria Ss. te lu Cannitu foe frabbacata a 'llu locu ca se chiamava e se chiama 'ncora osci "sciuteca". Te sempre è stata 'ntitulata a Maria Ss. te la Visitazione ma ppe' lu populu se 'nd'ave sciuta sempre comu chesia te lu Cannitu. 'Stu nome foe tatu prima te tuttu ppe' lu locu addhu foe frabbacata e poi ppe' lu fattu ca foe truvatu 'nu quatru te la Matonna. A ddhi tiempi lu stozzu te mare ca osci tivite la terra te lu muru era 'nu locu chinu te canne e sciunchi. Li toi mari, te sciaroccu e de tramuntana, 'nu cumunacavene. Fora li Venezziani prima e l' Araconesi poi ca criàra lu passaggiu te lu mare. "Senu te lu Cannitu" e "via Giuncaie" racordene 'ncora osci 'stu locu. La tratizione caddhipulina tice ca 'nu giurnu te oricane te sciaroccu, 'nu cruppu te piscaturi ca sta' 'rrepazzava li riti a 'stu locu, se ddunau ca a mienzu le canne e li sciunchi nc'era 'nu quatru tundu te taula ca rafficurava la Matonna. La scuperta foe ppe' li caddhipulini 'nu veru maraculu. Lu quatru foe purtatu intra 'lla chesia ca già nc'era 'ntitulata a 'lla Visitazione e de ddhu giurnu pijau lu titulu te "Maria SS. te lu Cannitu sotta 'llu titulu te la Visitazione". Però sempre ppe' 'sta tratizione la chesia foe frabbacata a 'llu locu addhu se truvau lu quatru.

santuariocanneto esterno 01Origini te la chesia: Se sape picca te l'origini e de li primi tiempi te la chesia parcè parecchi tocumenti su' sciuti persi te su' la Curia e puru parcè tistrutti turante l'occupazione te li Veneziani a 'llu 1484. Tutte le nutizie perciò se pijene te le visite pasturali fatte te li vescuvi Pellegro Cybo a 'llu 1567, Giuvanni Montoya te Cardona a 'llu 1660 e 'Ronzu Filomarini a 'llu 1735. Pietru Maisen scrive su 'llu libbru "Gallipoli e i suoi dintorni" te lu 1870 ca era 'na chesia frabbacata "ad immemorabili" misa a difesa te lu paese contru le cuerre e le 'petimìe ca sempre nci su' state a Caddhipuli ppe' lu vanne-jeni te gente te paisi tiversi. Quistu nde face capire comu la chesia foe scucchiata te li caddhipulini comu locu te tivozione e contru le mmalatie. Prova nde sia ca lu cuvernu te la chesia stessa foe tatu a l'ordine te li Cavalieri Teutonici te lu 'spitale te S. Maria te Gerusalemme. Li scopi te st'ordine erene tifendere la cristianità e dare cunfortu e 'ssistenza a 'lla gente 'bbituata te sempre a 'lle cuerre e le 'petimìe. Puru lu vescuvu Montoya scrive ca la chesia facìa parte te l'Abazia te S. Leonardu te la Marina te Sipontu te l'ordine te li Cavalieri Teutonici mentru a 'llu 1576. Facendu riferimentu a 'ste nutizie se pote pansare ca lu primu frabbucu te la chesia foe fattu tra la fine te lu treticesimu e lu principiu te lu quattordicesimu seculu.

La chesia a 'llu 1500

La chesia originale vinne tistrutta, paru 'ccu quiddha te S. Nicola a 'llu Portu, quandu li Francesi scìsara 'nguerra contru li Spagnoli e tuttu lu paese foe misu sotta-susu. Però fora li stessi caddhipulini ca la manara a 'nterra ppe' li muti tanni ca era 'bbutu. Era lu 4 ottobre 1502, comu se laggìa su' 'na lapita intra 'lla chesia. 'Sta data ete sicura parcè, comu tice lu vescuvu Pellegro Cybo a 'llu 1567, "vinne tistrutta sessantacinque anni prima" vale a dire a 'llu 1502. Topu 'sta cuerra, lu cuvernu te lu paese, crazzie puru a 'llu core te la gente, raccozze li sordi ca nci ulìene ppe' frabbacare la chesia nova ca foe spicciata a 'llu 1504. Cunsiteratu lu tiempu cusì curtu ppe' lu frabbucu, se pote pansare però ca se trattau te lavori te restauru e ca la chesia 'rrumase comu era a principiu. Comu tice lu vescuvu Montoya a 'llu 1660, era a 'na navata e mutu piccica. G. Bruin, su 'lla stampa tisegnata tra lu 1572 e lu 1575, la rafficura senza porticatu, 'ccu lu nanti a tramuntana e lu campanaru a manu 'mberza. Sacondu lu canonicu D'Elia la chesia foe manata te capu 'nterra e frabbacata a 'lla metà te lu ticiassettesimu seculu 'ccu farci variante. Tifatti a ll'entrata foe frabbacatu 'nu porticatu e lu intra fattu a tre navate e 'rricchiutu te culonne e fregi su' l'architrave e su' la làmia.

La chesia a 'llu 1600

Topu lu frabbucu te lu 1504, la chesia 'rrumase sotta 'llu cuvernu te l'Abazia te S. Leonardu ppe' addhi settantatoi anni. Poi lu cardinale Erricu Gaetano, monucu te st'Ordine, tese, 'ccu lu parmessu te Piu V, lu cuvernu te la chesia a 'na cungreca 'ccu lu titulu te Maria SS. te la Visitazione. A 'llu 1613 l'Autorità te la chesia te lu locu, fìciara 'rrivare 'nu cruppu te monici te l'Ordine te li Minimi; quisti, 'spattandu lu frabbucu te lu cumentu e de la chesia loru (quiddha te S. Frangiscu te Paula), fora sistemati a 'lle cambere 'ngiru a 'lla chesia te lu Cannitu, puru ca erene piccicche e umite. Però l'Autorità misara la cundizione ca li monici se l'erene bitire te lu cuvernu te la chesia e de l'assistenza a 'lli malati. 'Ccu la fine te la famija Archanà ca era a capu te la cungreca, la chesia foe 'bbandunata e li pariti chianu-chianu catira 'nterra ppe' la salamastra e le 'nfiltrazioni te acqua. Versu lu 1660 li divoti, viste le cundizziuni te la chesia, la manara 'nterra e la frabbacara te capu (comu imu vistu prima te le nutizie te lu canonicu D'Elia). Te 'stu nou frabbucu l'unica data sicura è quiddha ca nc'è scritta 'ngiru a 'llu quatru te la làmia te la navata te mienzu. Tifatti se legge ca la làmia foe spicciata a 'llu 1706. Quistu face pansare ca l'urtimu frabbucu se 'nzignau a 'lla fine te lu 1600.

Istituzione a Parrocchia e a Santuariu

Topu ca sparìu la cungreca a 'llu 1800, se ciarcàu 'ccu se sistema lu cuvernu te la chesia; ppe' la parte religiosa vinne nominatu, 'ccu decretu vescuvile, lu Rettore Spirituale 'ccu 'ncaricu te Cappellanu; ppe' la parte amministrativa foe criata 'na deputazione te laici 'ccu a capu lu sinducu. A 'llu 1882 la Comune, taccordu 'ccu lu vescuvu Carfagnini, tese lu cuvernu te lu Cannitu a 'lla cungreca te l'Angili. L'affitamentu turau vint'anni 'ccu crande 'mpegnu te li cunfratelli tutti. Ma a 'llu 1905 lu Cannitu vinne nominata Parrocchia e lu sinducu notificau a 'lla cungreca te l'Angili la fine te lu 'mpegnu e 'mbitàu lu Priore a dare le cunsegne a 'llu parrucu Giuvanni Tricaricu a 'lla presenza te lu Patre Spirituale. A 'llu 1916 lu vescuvu Muller nominau parrucu don Sebbastianu Natali ca curàu la parrocchia ppe' cchiui te tieci anni tiffondendu la tivozione ppe' la Matonna te lu Cannitu puru a 'llu burgu e ca foe parrucu mentru a quandu nu' foe nominatu parrucu te la nova Parrocchia te lu burgu, lu S. Core. A 'lli vari anni li parruci ca s'ane succiàtuti su' stati don Caitanu Schirinzi, don Celestinu Tedescu, don Luici Tarantinu, don Santu Tricaricu e moi don Salvatore Leopizzi. A 'llu 1946 'ccu la 'ncasione te lu Cungressu Eucaristicu ca se fice a Caddhipuli, la chesia ave bbutu lu titulu te Santuariu Marianu.

S. Nicola e lu Cannitu

La chesia te lu Cannitu è stata sempre 'nteressata a 'lla tivozione pe' S. Nicola mutu 'ntisa te li piscaturi. A 'stu santu era teticata 'na 'ntica chesia bizantina ca se truvava cchiù o menu addhu moi nc'ete la Capitaneria te Portu e ca foe manata 'nterra, comu imu vistu, a 'llu 1502 paru 'ccu la chesia te lu Cannitu. Ma puru quista foe frabbacata 'ntorna. A 'llu 1765 foe tistrutta ppe' sempre ppe' 'llargare l'unica strata te trasuta a 'llu paese e ppe' permettere lu passaggiu te l'acqua ppe' la Funtana Creca. Lu decretu te demolizione te lu 21 acostu 1765, firmatu te lu sinducu Nicola Doxi Stracca, mise però la cundizione ca la crande statua te petra te S. Nicola era essere misa intra 'lla chesia te lu Cannitu e frabbacare n'artare intra 'sta chesia stessa. Pare però ca la statua foe purtata a farci addha vanda ppe' lu restauru te lu Cannitu. Fattu ete ca te la statua nu' se sippe nienti. Lu bunanima te don Ginu Piccinnu nde facìa lu cazza-patucchi a don Santu parcè secondu iddhu la statua stava murata intra 'lla sacristia. Lu stessu don Armandu Mannu era cunvintu te la stessa cosa. Certu è ca nde mìsara lu caìcchiu a papa Santu. A 'llu 1981, prima te l'urtimu restauru, se 'nzignàu la ricerca. Se 'ncuminciau 'ccu se binchia a 'nfacce 'lli pariti ppe' bbitire ci sunavene a vacante, ma nu' se santìa nienti. Se ciarcau 'ccu se scarra 'ccu martieddhu e scarpieddhu ma nienti! Finarmente la sera te 'na carassa te lu parete, se vitte lu prufilu te lu Santu. Crande foe lu prèsciu te tutti e a 'llu crai la statua foe racuparata. Era lu 5 novembre 1981.

Galleria

Esterno

Interno

Altare

Campane

Organo


Restauri

Lu primu restauru

Te lu 8 masciu 1700 a 'lla fine te lu 1740 a capu te la Tiocesi te Caddhipuli nc'era lu vescuvu 'Ronzu Filomarini, mutu 'mpegnatu ppe' quantu ricuardava l'opere te caritate, ma famosu ppe' la crande tivozione e fete ca tanìa. Standu a Caddhipuli ddevantau tivotu puru te la Vergene te lu Cannitu e ogni fiata ca ssia te lu palazzu vescuvile santìa lu basognu te scire a pieti a 'llu burgu e 'ccu se ferma a 'llu Cannitu. Comu scrive lu Ravenna "scia a 'llu Cannitu e, 'ngenucchianduse a nanti lu quatru, priàva la Vergene. Ogni sabbutu poi, paru 'ccu tre previti, facìa cantare le litanie e se farmava 'ccu se sente armenu toi Messe". Crazzie a iddhu lu Cannitu ddevantau 'nu centru te tivozione mariana e la gente, su ll'esempiu sou, partecipava a 'lle funzioni 'ccu crande fete. A 'llu 1735 lu vescuvu, tispiaciutu te le cundizioni te la chesia, la fice restaurare comu se legge su 'lla lapita te marmuru fatta murare intra 'lla chesia su 'lla porta te trasuta. Ppe' la 'ncasione foe 'llavata la lapita te lu 14 marzu 1504 ca, essendu te petra tennara, s'era spriculata tutta. Moi la lapita ca racorda lu restauru se trova a manu taritta e gghè stata spustata quandu se frabbacau la cantoria 'ccu l'organu.

Lu sacondu restauru

Ppe' 'ntaressu te lu parrucu Sebbastianu Natali, vistu ca l'urtimu restauru era statu fattu a 'llu 1735, se nde fice n'addhu a 'llu 1934. 'Stu restauru custàu la bellezza te 131.796 lire ca pisàra quasi tutte su 'lle spaddhe te lu parrucu ca fice tebbutu ppe' 25.000 lire. Essendu la chesia senza locali parrucchiali (nc'era sulamente la sacristia) don Sebbastianu, 'ccu li saggrifici soi, rascìu 'ccu ccatta farci cambareddha 'ttaccata a 'lla chesia e, aprendu 'na porta ca cumunacava 'ccu lu intra te la chesia, fice l'ufficiu parrucchiale. Ma la cosa foe vista te lu Vescuvu e lu cleru comu "abusu te putere" e perciò lu parrucu foe custrettu 'ccu chiute la porta e 'ccu vinda le cambere. Tutta 'sta situazione se paca 'ncora osci vistu ca lu Cannitu è la sula parrocchia ca nu' tene 'nu bucu. Sempre ppe' 'ntaressu sou se frabbacau lu campanaru ca foe cumpletatu te addhe tre campane ca se 'ggiùnsara a quiddha ca già nc'era (te quistu cuntamu topu). Lu 4 frabbaru 1946, viscilia te S. Acata, a 'llu Cannitu 'rrivau te Galatina la minna te la santa ca nde foe rrubbata seculi prima. 'Stu fattu s'ave ripetutu a 'llu 1996 ppe' 'ntaressu te lu vescuvu Vittoriu Fuscu.

Altari

santuariocanneto altare 01L'artare maggiore e l'artari laterali: A 'lli tiempi te lu vescuvu Filomarini e mentru a 'llu 1934 a 'lli pariti te coste nc'erene quattru artari: li primi toi a manu taritta erene 'ntitulati a S. Cristina e S. Ommubonu e fora mantanuti mentru a ll'anni ‘40 te 'stu seculu; li secondi toi a manu 'mberza teticati a S. Lucia e S. Vitu, fora manati 'nterra a 'llu 1934. A tiempi cchiù bicini a nui l'unicu artare era teticatu a S. Rita e gghè statu manatu a 'nterra 'ccu l'urtimu restauru ulùtu te lu vescuvu Quaremba e de don Santu Tricaricu. Ogni artare tanìa lu quatru sou comu tastimoniene li quattru quatri ca nci su' 'mpisi intra 'lla chesia. L'artare maggiore era tuttu te ligname 'rricchiutu te ornamenti te oru zecchinu. A mienzu nc'era lu quatru te la Visitazione circundatu te tante capure te angialieddhi. Ma la notte te Pasca te lu 1902 l'artare ppe' n'incendiu se brusciau e foe frabbacatu prima te petra leccese e poi rivestitu te marmuru coloratu. Ppe' la 'ncasione foe criatu lu crande nnicchiu ppe' la statua te la Visitazione, cartapista te scola napulitana te lu 1700, ca foe purtata a 'llu Cannitu lu 7 lugliu 1765. Lu Franza scrive: "La statua foe purtata prima a 'llu palazzu vescuvile e a 'llu crai, topu ca foe benatitta, purtata a prucissione ppe' lu paese e poi misa intra 'lla Puritate. L'annu topu, a 'lla viscilia te la Visitazione, 'ccumpagnata te le cungreche te la Puritate, te lu Rusariu e de la 'Mmaculata, foe purtata fore a 'llu paese e lassata intra 'llu Cannitu.


Campane-Organo

santuariocanneto campanile 01santuariocanneto organo 01

Le campane e l'organu: A quiste toi se nde 'ggiunse n'addha cchiù piccicca rrecalata te lu cavalieri Frangiscu Fontò. 'Ste campane nu' nci su' cchiu parcè pare ca fora purtate a 'lla parrocchia te lu S. Core. Però è statu crazzie a 'llu 'mpegnu te don Santu Tricaricu e a 'llu core te li tivoti ca lu campanaru foe cumpletatu 'ccu addhe campane nove. Te crande valore ete puru l'organu parcè lu stemma scurpitu susu ete quiddhu te li Paolotti ca stèsara a Caddhipuli, comu imu vistu, te lu 1613 a 'llu 1809 quandu lu cumentu foe chiusu. Nu' nci su' tocumenti ca tìcene te quale seculu ete però pare ca foe frabbacatu a 'llu 1700 e foe rrecalatu te la cungreca te S. Frangiscu te Paula quandu li fratelli decìsara 'ccu se nde ccattene unu nou. 'Ccu la 'ncasione te lu restauru te lu 1934 è stata criata la "cantoria 'ccu l'organu" su 'lla porta te trasuta mentru prima l'organu se truvava te coste 'lla porta te la sacristia.


Festa

La fera te lu Cannitu

A Caddhipuli, già te lu 1700, lu cummerciu 'rrivau a 'nu tale puntu ca se santìu, a 'llu 1735, lu basognu te fare ogni annu 'na crossa fera te 'ndumanata 'nternazionale ca foe chiamata "Fera Europea te Maria SS. te lu Cannitu". 'Stu nome foe tatu parcè se facìa a 'llu locu ca scia te la chesia te lu Cannitu a 'lla Funtana Creca e a 'llu largu te la Sciuteca; 'nu locu ca facìa capu a 'lla chesia addhu te seculi se onorava la Matonna te lu Cannitu e ca propriu ddhi giurni se festeggiava 'ccu crande partecipazione te gente. La fera turava te lu 29 giugnu mentru a 'llu 2 e a fiate a 'llu 6 lugliu e se ripetìu ogni annu mentru a 'llu 1867. La fera era famosa ppe' li tassuti te lana, te sita, te cuttone e ppe' le mussuline e li tamaschi. Ma puru ppe' le perne, li tiamanti e li cristalli ca vanìene te Venezia e de la Boemia. Poi nc'erene puru tante spezzie te lu locu e orientali. Però era lu cummerciu te l'oju ca tanìa bancu. Nc'era puru 'nu recintu tittu "steccatu" addhu nc'erene marcanzie te lussu e addhu puru lu paramentu te le barracche era te lussu. A cquai nu' era parmessa la trasuta a 'llu populinu vasciu. La fera nu' era sulamente 'nu marcatu ma era puru 'ncasione te 'ncontru e de passeggiu. A 'lli giurni te la fera se facìa 'na cara te varche addhu pijavene parte li cchiù ddritti maranari te lu paese. La sera a mienzu mare se ddumavene tante luci piccicche ca erene fatte te scorze te nuci chine te oju.


Hits smaller text tool iconmedium text tool iconlarger text tool icon
 
Ricerca / Colonna destra

Le Chiese

Previous Succ.
San Geraldo Maiella San Geraldo Maiella Chiesa San Geraldo Maiella PAGINA IN ALLESTIMENTO   -   PAGINA IN ALLESTIMEN... Read more
San Giuseppe e della Buona Morte San Giuseppe e della Buona Morte La Chiesa dei Santi Apostoli Pietro e Paolo, è stata costruita nel 1598, e dal 1904 viene usata da... Read more
San Luigi San Luigi Chiesa di San Luigi PAGINA IN ALLESTIMENTO   -   PAGINA IN ALLESTIMENTO &n... Read more
San Lazzaro San Lazzaro Chiesa di San Lazzaro PAGINA IN ALLESTIMENTO   -   PAGINA IN ALLESTIMENTO ... Read more
Ss Trinità e delle Anime del Purgatorio Ss Trinità e delle Anime del Purgatorio Per favorire la devozione delle Anime del Purgatorio il Vescovo Montoglia istitui, nel 1660, la Co... Read more
Ss Crocifisso Ss Crocifisso La Chiesa del Santissimo Crocifisso si trova lungo le mura di ponente, affianco a quella del Rosario... Read more
SS Medici Cosma e Damiano SS Medici Cosma e Damiano La Chiesa dei SS Medici Cosma e Damiano fatta costruire nel centro storico di Gallipoli' nel 1836 ra... Read more
Santa Teresa Santa Teresa La Chiesa di Santa Teresa si trova vicino alla Cattedrale ed è un gioiello di stile barocco; per la ... Read more
San Giuseppe Picciccu San Giuseppe Picciccu Chiesa di San Giuseppe Picciccu PAGINA IN ALLESTIMENTO   -   PAGINA IN ALLESTIM... Read more
San Pietro dei Samari San Pietro dei Samari La Chiesa di San Pietro dei Samari, situata in aperta campagna a sud della città, è un'antica costr... Read more
San Gabriele dell'Addolorata San Gabriele dell'Addolorata Chiesa di San Gabriele dell'Addolorata PAGINA IN ALLESTIMENTO   -   PAGINA IN ... Read more
San Francesco di Paola San Francesco di Paola La chiesa di San Francesco da Paola si trova lungo le mura di tramontana, di fronte al porto, dalla ... Read more
La città
Il territorio
Monumenti & Luoghi
Le chiese
Arte e Cultura
Società
Tradizioni popolari e religiose
Vernacolo
Curiosità
Stampa e Pubblicazioni
Gastronomia
Associazioni e Gruppi
Sport

Rubriche

Personaggi di ieri e di oggi
Oggi Sposi
Liberi professionisti

Servizi al cittadino

   
   
Tot. visite contenuti : 905484